Lugo Transforma incorpora a Air Cargo Booking e sitúa á cidade na vangarda da dixitalización do transporte aéreo de mercadorías
A compañía simplifica un proceso ata agora analóxico e disperso: permite ás empresas exportadoras e importadoras reservar espazo cun só clic, calcular tarifas automaticamente, xestionar documentación e trámites aduaneiros, así como contratar os seguros necesarios. A súa solución dixital aumenta a eficiencia, acelera os tempos de resposta e reduce os custos loxísticos.